Bhavani Bharati Verses 1 to 3
सुखे निमग्नः शयने यदासं मधोश्च रथ्यासु मनस्चचार ।
स चिन्तयामास कुलानि काव्यं दारांश्च भोगांश्च सुखं धनानि ॥ १॥
sukhe nimagnaH shayane yadAsaM madhoshcha rathyAsu manaschachAra |
sa chintayAmAsa kulAni kAvyaM dArAMshcha bhogAMshcha sukhaM dhanAni || 1||
1. As I lay sunk in the comfort of my couch and my mind wandered on the roads of Spring, I thought of my people, of poetry, of wife and enjoyments, pleasure and possessions.
कान्तैश्च शृङ्गारयुतैश्च हृष्टो गानैः स छन्दो ललितं बबन्ध ।
जगौ च कान्तावदनं सहास्यं पूज्ये च मातुश्चरणे गरिष्ठे ॥ २॥
kAntaishcha shR^i~NgArayutaishcha hR^iShTo gAnaiH sa Chando lalitaM babandha |
jagau cha kAntAvadanaM sahAsyaM pUjye cha mAtushcharaNe gariShThe || 2||
2. I shaped my delight into elegant verse in lyrical stanzas of sensuous passion; I sang of the smile on my beloved’s face and of the revered and most sacred feet of the Mother.
चक्रन्द भूमिः परितो मदीया खलो हि पुत्रानसुरो ममर्द ।
स्वार्थेन नीतोऽहमनर्च पादे दुरात्मनो भ्रातृवधेन लिप्ते ॥ ३॥
chakranda bhUmiH parito madIyA khalo hi putrAnasuro mamarda |
svArthena nIto.ahamanarcha pAde durAtmano bhrAtR^ivadhena lipte || 3||
3. My country wept all around me, for a villainous Titan oppressed her children. Led by self-interest, I paid homage to the feet of the evil one stained with the blood of my brothers.
Ref: Bhavani Bharati
